होम सुवेदीबानेश्वरका प्रेतहरू
सात पुस्तालाई जम्मा गरी फिर्न लागे गाउँघरमा तिनका घुँडा भाँच्नलाई जनता अब उठेका छन् ।
बानेश्वरका प्रेतहरू जराकजुरुक उठेका छन्
सपनाको खेती लाउन फेरि गाउँमा जुटेका छन् । ।
जनताको घरदैलोमा कुनै बेला आएका थे
माथितिरै फिर्न फेरि माथिबाटै छुटेका छन् । ।
हिसाब किताब चेक जाँच कस्ले गर्ने यो देशमा
मरेका ती भूतहरूले हाम्रो देशै लुटेका छन् । ।
जनताका रगत र पसिनाको होली खेल्दै
मकै भुटे जस्तो गरी जनतालाई भुटेका छन् । ।
सात पुस्तालाई जम्मा गरी फिर्न लागे गाउँघरमा
तिनका घुँडा भाँच्नलाई जनता अब उठेका छन् । ।
भाषणमा देशलाई स्वर्ग पार्ने भनी भनी
लाटा सुधा जनतामा गफ मात्रै चुटेका छन् । ।
भाग्य कस्तो अलच्छिनी सबै हामी नेपालीको
बिपनाको कुरा छाडौँ सपना नै टुटेका छन् । ।
भद्रपुर, झापा
Subscribe
Login
0 Comments
Oldest
