मरुभूमि नारायणधोका दियो
खुला चौरमा लम्पसार परे मान्छेहरू बोलाएर हुन्डरी सगरले धोका दियो ।
आशा देखाएर शहरले धोका दियो
काँच्चो अल्लारे रहिरहे धोका दियो ।
केटा भनी बोलाउँदा केटी मुस्कुराई
आज आफ्नै नजरले धोका दियो ।
सालिग्राम खोज्दा हीरा भेटियो
यहाँ पनि मलाई बगरले धोका दियो ।
सोझो गाउँले किसानको छोरोलाई
गाई देखेपछि बहरले धोका दियो ।
वर्षो अगिको सत्य कुरा बाहिर आयो
हेर एकै घुड्को जहरले धोका दियो ।
खुला चौरमा लम्पसार परे मान्छेहरू
बोलाएर हुन्डरी सगरले धोका दियो ।
व्यवस्थापन बिना खेद्यो खुद्रे वेपारी
फेरि निमुखालाई नगरले धोका दियो ।
तनहूँ, कला सञ्चार
Subscribe
Login
0 Comments
Oldest
