रमेश समर्थनलोकतन्त्र !!
रूप फे-यो रङ्ग फेर्यो बानी अझै फेर्या छैन सोध्यो कि त गर्जिहाल्छ कस्तो झोंकी लोकतन्त्र । लक्ष्यसम्म पुग्नलाई निरन्तर हिँड्नुपर्ने तर त्यहीँ अडेको छ यात्रा रोकी लोकतन्त्र ।
लड्खडाउँदै हिँडेको छ के के धोकी लोकतन्त्र
राष्ट्रलाई हल्लाउँछ खोकी खोकी लोकतन्त्र ।
छातीमाथि गोली थापे जसका लागि जनताले
कुर्लिँदै छ उसैमाथि लाठी ठोकी लोकतन्त्र ।
सार्वभौम मानिनेलाई सधै भोक अभावै छ
यस्तो लाग्छ नेतालाई मात्रै हो कि लोकतन्त्र ।
फेरि उही हाँडीगाउँकै जात्रा होला भन्ने केही
लाग्या भए किन मर्थे घोकी घोकी लोकतन्त्र ।
रूप फे-यो रङ्ग फेर्यो बानी अझै फेर्या छैन
सोध्यो कि त गर्जिहाल्छ कस्तो झोंकी लोकतन्त्र ।
लक्ष्यसम्म पुग्नलाई निरन्तर हिँड्नुपर्ने
तर त्यहीँ अडेको छ यात्रा रोकी लोकतन्त्र ।
श्रमिकका झुपडीमा गरिबीकै साम्राज्य छ
सामन्तकै पाउ मल्न पो गयो कि लोकतन्त्र ।
राष्ट्रघाती जनघाती सत्तासीन भएका छन्
खुर्मुर्याउँदैन किन तोकी तोकी लोकतन्त्र ।
बुटवल
Subscribe
Login
0 Comments
Oldest
