किरण अन्जानभट्टी छिरेपछि
झुला झुल्छ बदन मेरो बाटैबाटो देखी घरको बाटो भुलै हुन्न भट्टी छिरेपछि ।
अलिअलि हुँदैहुन्न भट्टी छिरेपछि
घ्याम्पो बिना मुडै हुन्न भट्टी छिरेपछि ।
लर्बराउछन् गोडा मेरा दायाँबायाँ निकै
नालीभित्र उँधै हुन्न भट्टी छिरेपछि ।
कैलेकाहीं निष्ठुरीको निकै याद आए
डाँको छोडी रुँदै हुन्न भट्टी छिरेपछि ।
झुला झुल्छ बदन मेरो बाटैबाटो देखी
घरको बाटो भुलै हुन्न भट्टी छिरेपछि ।
आकाश जत्रो पीडा कहाँ सुनाउँ हजुर
धोकेपछि दुखै हुन्न भट्टी छिरेपछि ।
०००
विराटनगर
Subscribe
Login
0 Comments
Oldest
