नेपाली हास्यव्यङ्ग्य अनलाइन पत्रिका

नेताजीलाई सबले भाषण सुन्छन् जस्तो लाग्छ
भाषण सुन्ने सबै आफ्ना हुन्छन् जस्तो लाग्छ

यति हजार भेला भए उति हजार थिए
भित्री मनमा जित्ने आशा गुन्छन् जस्तो लाग्छ ।

रिस झर्को भाकल धम्की गाली गलौज कुरा
सुन्दा शालीन मान्छेले कान थुन्छन् जस्तो लाग्छ ।

टाउके सरकार बनीसक्यो पुच्छर बन्ने होला
कठै मन्त्री नपाएमा रुन्छन् जस्तो लाग्छ ।

जुन जोगी आए पनि कानै चिरा जस्ता
भन्दै फेरि भोलि हात धुन्छन् जस्तो लाग्छ ।

०००
गौरादह, झापा