किरण अन्जानभ्रष्टाचारीहरू छाती तानेर हिँड्दैछन्
न पाउन्जेल चिच्याउछन् हुँडार स्यालहरू पाएपछि पो तिनीहरूको मुख गल्छ ।
किरण अन्जान :
जबसम्म स्वास चल्छ जिन्दगी चल्छ
रुकेपछि हजुर यो जिन्दगी त बल्छ ।
ढुक्क नहुनुहोस् दह्रो खाँबो छ भन्दैमा
त्यो त एक न एकदिन सम्झनुहोस् ढल्छ ।
यसलाई टुक्राटुक्रा बनाएर जोड्नुहोस्
यो त नेपाली नोट हो मज्जाले चल्छ ।
न पाउन्जेल चिच्याउछन् हुँडार स्यालहरू
पाएपछि पो तिनीहरूको मुख गल्छ ।
भ्रष्टाचारीहरू अझै छाती तानेर हिँड्दैछन्
अब यिनीहरूलाई कसले कालो मोसो दल्छ ।
०००
विराटनगर
Subscribe
Login
0 Comments
Oldest
