नेपाली हास्यव्यङ्ग्य अनलाइन पत्रिका

एम्.पी. कियरलेस

आफैले आफैलाई समेटूँ, क्या मज्जा ।
आफैमा म, तिमीलाई देखूँ , क्या मज्जा ।

खालीनै खाली होस् , म हिँड्ने बाटो
तिमि बिना एक पाईला, नटेकुँ क्या मज्जा ।

सायद तिमीनै तिमी देखिनेछौ राधे
जब जब म आफैलाई, लेखूँ क्या मज्जा ।

सँगै बसूँ , सँगै खेलूँ ,सँग सँगै खाऊँ
आफैलाई समातूँ आफैलाई लखेटूँ क्या मज्जा ।

उसैको “गरिमा”, उसैको तारिफ
लेखूँ , मेटूँ, लेखूँ , मेटूँ क्या मज्जा ।

०००
लम्कीचुहा, कैलाली