नीलहरि काफ्लेआउली कान्छी
पोहोर परार लाज मानी लुकिछिपी धेरै भयो हाकाहाकी रम्नु पर्छ भागी कतै जाउली कान्छी ।
नीलहरि काफ्ले :
पख यो दशैँमा मेरैतिर आउली कान्छी
उध्याएर दाँतहरू साँप्रा खुट्टी खाउली कान्छी ।
नगरेका उखपात यसैपालि मज्जैसँग
लिङ्गे पिङ्ग दोहोरीमा झुम्दा थाहा पाउली कान्छी ।
कानेखुसी सुटुक्क नै भन्ने कुरा भन्नु फेरी
साँझपख एकान्तमै चोखो माया लाउली कान्छी ।
पोहोर परार लाज मानी लुकिछिपी धेरै भयो
हाकाहाकी रम्नु पर्छ भागी कतै जाउली कान्छी ।
उन्मादले ठाँटिएर साँझ रोधी आउनु तिमी
कान्छा कान्छीसँगै नाच्दा सङ्गी माझ छाउली कान्छी ।
०००
सिन्धुली ।
Subscribe
Login
0 Comments
Oldest
