नेपाली हास्यव्यङ्ग्य अनलाइन पत्रिका

होम सुवेदी :

आज मान्छे धेरै जसो मोबाइलमा भुलेको छ
त्यसैभित्र संसार ठानी त्यसै भित्र डुलेको छ ॥

निदाउँछ यसैसँग यसैसँग खेल खेल्छ
खेल खेल्छ यसैसँग खेल्दाखेल्दै झुलेको छ ॥

आयु पनि यसैसँग बित्न थाल्यो मानिसको
हिजोसम्म युवा थियो आजै हेर फुलेको छ ॥

यसैभित्र बास बस्छ खान छाडी रातो दिन
आफ्नो सारा परिवार यसैभित्र हुलेको छ ॥

आफ्नो कृत्य सबै भुल्यो मोबाइल खेल्दाखेल्दै
ठान्दो होला ऋणपान सबै सबै सुलेको छ ॥

०००
भद्रपुर, झापा