काशीनाथ मिश्रितखेल्छन् होली
सरकारमा छन् नेरोहरू देश जलोस् यता ! बेसुरको बाँसुरीको धुनमा खेल्छन् होली !
काशीनाथ मिश्रित :
तस्करका लस्कर छन् सुनमा खेल्छन् होली
बलात्कारी गुण्डाहरू खुनमा खेल्छन् होली
कर्णालीका जनताहरू मर्छन् भोकमरीले
काठमाण्डुमा खाद्यान्न र नुनमा खेल्छन होली
राज्य स्रोतको दोहनमा आँखा गाड्नेहरू!
गिटी बालुवा मात्र हैन चुनमा खेल्छन् होली
जनतालाई भेँडा बनाई पठाउँछन् विदेश
ती भेँडालाई नङ्ग्याएर ऊनमा खेल्छन् होली !
खुट्टा तान्ने प्रतिस्पर्धा सकेसम्म गर्छन्
हेरौँ अब रगत कि रङ कुनमा खेल्छन् होली
सरकारमा छन् निरोहरू देश जलोस् यता !
बेसुरको बाँसुरीको धुनमा खेल्छन् होली !
हाम्रो देशको हालत यस्तो अरु देशका जनता।
पृथिवीमा हैन अब जूनमा खेल्छन् होली ।
०००
गुल्मी
Subscribe
Login
0 Comments
Oldest
