नेपाली हास्यव्यङ्ग्य अनलाइन पत्रिका

नवराज न्याैपाने ‘माैन’ :

प्रजातन्त्र आयाे भन्छन्, साँच्चै हाे कि हैन साथी ?
खुशीयाली छायाे भन्छन्, साँच्चै हाे कि हैन साथी ?

सर्वस्व नै दिन्छु भनी भाषण गर्ने नेताले
धेरै धेरै खायाे भन्छन्, साँच्चै हाे कि हैन साथी ?

सीधासादा घरमै बसे तर छट्टू कान्छाे भने
मन्त्री बन्न धायाे भन्छन्, साँच्चै हाे कि हैन साथी ?

बदमासीमा जाे अगाडि तर पनि  उसैले
ठूलै पद पायाे भन्छन्, साँच्चै हाे कि हैन साथी ?

बहर दाउन नसकेर रल्लिएकाे मान्छेले
बाघलाई दायाे भन्छन्, साँच्चै हाे कि हैन साथी ?

०००
मातातीर्थ, काठमाडाैं