मरुभूमि नारायणभनेको भएन
ए महोदय ! षडयन्त्र गर्न मलाई पनि आउँछ बाघचाल भालूचाल चाल्दिम भनेको भएन ।
मरुभूमि नारायण :
भात खाने मुखमा घाँस हाल्दिम भनेको भएन
स्वाद लिने जिब्रो थुतेर फाल्दिम भनेको भएन ।
घ्वार घ्वार घुरेर सुत्नै दिन्नन् ती छरछिमेकीले
तिनको नाकको टोड्कै टाल्दिम भनेको भएन ।
मान्छेले बियाडे बोको भन्दा गर्व लाग्छ मलाई
कपाल खौरेर बोकेदारी पाल्दिन भनेको भएन ।
छिमेकीले सारिरहन्छ सीमानाको जङ्गे पिलर
सारिरहनु भन्दा पिलरै ढाल्दिम भनेको भएन ।
अँध्यारोमा बत्ती बाल्दछ हरियो घाँस खानेले
आफूले दिउसै आगो बाल्दिम भनेको भएन ।
अर्काकै बाङ्गा खुट्टा तान्न सारै मज्जा आउँछ
खुट्टै तानेर नयाँ यात्रा थाल्दिम भनेको भएन ।
मूर्ख मान्छेले फलाम गाल्दछ तातो आगोमा
साला पानीमा फलाम गाल्दिम भनेको भएन ।
ए महोदय ! षडयन्त्र गर्न मलाई पनि आउँछ
बाघचाल भालूचाल चाल्दिम भनेको भएन ।
०००
तनहूँ
Subscribe
Login
0 Comments
Oldest
