नेपाली हास्यव्यङ्ग्य अनलाइन पत्रिका

तीर्थराज जाेशी :

१.
जता पनि अविश्वास छ षडयन्त्र र जाल
देश बनाउने भन्छन् तर अनौठो छ ताल
भ्रष्टाचारी नेता हुने भ्रष्टाचार मुक्त
कानुन पनि हुने भयो छेपारोकै चाल ।

२.
बलात्कार भो थाहा भए कुन किन चाहियो ?
हरायो त हराइसक्यो सुन किन चाहियो ?
मोटो बाक्लो संविधानको किताब पढे पुग्छ
नुन पाए पुग्दैन र ? कानुन किन चाहियो ?

३.
सभ्य बनोस् समाज हाम्रो जाली नहोस् है
मान्छेभित्र मानवता खाली नहोस् है
बोलेपछि अर्थ हुने मान्छेहरु चाहिए
नेता बोल्दा बज्नेजस्तो ताली नहोस् है ।

०००
डाेटी, हाल काठमाडाैं