नेपाली हास्यव्यङ्ग्य अनलाइन पत्रिका

तीर्थराज जोशी :

१.
राजनीतिको बाटो तिमी खन्दै नखन
नेतालाई मान्छेभित्र गन्दै नगन ॥
डाक्टर, पाइलट, इन्जिनियर जे बन्छौ बन ।
तर नेता बन्छु भनी भन्दै नभन ।

२.
जनतासँगै आटोपिठो खान्छौँ भन्नेहरू ।
जनतालाई देउताजस्तै मान्छौँ भन्नेहरू ॥
रोग लान्छन् भोक लान्छन् लान्छन् महामारी ।
गाउँ गाउँमा सिंहदरबार लान्छौँ भन्नेहरू ॥

३.
अरु केही नबने नि नेता बन्न सक्छु ।
नयाँ पार्टी जन्माउने बाटो खन्न सक्छु ॥
के बिग्रेर के के बन्छ अरु थाहा छैन ।
मान्छे बिग्रे नेता बन्छ यो चाहिँ भन्न सक्छु ॥

०००
काठमाडौं