नेपाली हास्यव्यङ्ग्य अनलाइन पत्रिका

तीर्थराज जोशी :

१.
कता कता हराउँदैछन् खाली भए मान्छे ।
रित्तो रित्तो बगैँचाका माली भए मान्छे ॥
मान्छेलाई देखेपछि मान्छे भाग्नुपर्ने ।
जमाना त अनौठो छ जाली भए मान्छे ॥

२.
एउटै नारा लगाउँदैमा फुलिसक्यो केश ।
जिन्दगी नै बितिसक्यो खेदाखेल्दै चेस ॥
देश बनाउँछु देश बनाउँछु यही भन्छन् नेता ।
बिगार्दिनँ भने हुन्थ्यो बनेकै छ देश ॥

३.
खुट्टा तान्ने लडाउने खेल खेल्न थाले ।
ईर्ष्या, क्रोध र घमण्डको जरा पाल्न थाले ॥
जिन्दावाद र मुर्दावादमा जवानी नै बित्यो ।
युवाहरू जवानीलाई खेर फाल्न थाले ॥

०००
कलङ्की, काठमाडौ