नेपाली हास्यव्यङ्ग्य अनलाइन पत्रिका

तीर्थराज जोशी :

नेपालको राजनीतिमा अनौठो खेल हुन्छ
छिनमा मेल हुन्छ छिनमा बेमेल हुन्छ ॥
नेताले जनतालाई सधैँ ढाँटेकै त हुन्छन् ।
यहाँ त अप्रिल फुल पनि फेल हुन्छ ॥ १

कसैलाई अलिकति रासन चाहिएको छ ।
कसैलाई माथि बस्ने आसन चाहिएको छ ॥
मेची कालीका जनताको आवाज सुनेको छु
सबैलाई विधिको शासन चाहिएको छ ॥ २

जनतालाई लट्ठ पार्ने नारा छँदैछन् ।
ताली ठोक्ने झोलेहरू सारा छँदैछन् ॥
अस्पतालमा अक्सिजन सकिएर के भो ?
बाँच्नलाई त संविधानका धारा छँदैछन् ॥ ३

०००
कैलाली, हाल काठमाडौं