नेपाली हास्यव्यङ्ग्य अनलाइन पत्रिका

तीर्थराज जाेशी :

(१)
अरुलाई जिस्क्याएर मान केका लागि ?
बेचिएर स्वाभिमानको गान केका लागि ?
पद, पैसा र प्रतिष्ठा बिजुलीजस्तै हुन्
एकैछिनको गड्याङ्गुडुङ शान केका लागि ?

(२)
अरुलाई आफूजस्तै मान्छे मान्छ रे ।
देश बनाउने भित्री इच्छा कसम खान्छ रे ।।
नेता बन्न के चाहिन्छ बुझ्नुपर्छ नि ।
अझै पनि आफूलाई नेता ठान्छ रे !

(३)
के गरेर फाइदा हुन्छ सबै जान्नु पर्‍यो ।
कस्तो कुरा कहाँ बेच्ने कुरा छान्नु पर्‍यो ।।
आफूलाई नबेचेरै माथि कहाँ पुग्नु !
बेलाबेला अर्काको नि खुट्टा तान्नु पर्‍यो ।

०००

कैलाली, हाल काठमाडाैं