मरुभूमि नारायणमनाउँछन् आफैँ
पाप कौशीबाट कराउँछ भन्छन् जान्ने बुझ्नेहरू अनि चिसो सिँढीमा सुहागरात मनाउँछन् आफैँ ।
मरुभूमि नारायण :
कोही मजाले भत्काउँछन् कोही बनाउँछन् आफैँ ।
कोही मरेर त यहाँ कोही जिउदै गनाउँछन् आफैँ ।
हल्लाउने पनि तेस्तै हल्लिने पनि तेस्तै तेस्तै छन्
तामझाम सहित दैलोमा डङ्गुर खन्याउँछन् आफैँ ।
भ्याकुतो भन्दा कडा उफ्रिने र उफाने थुप्रै छन्
अर्काको जिउमा लुतो आउँदा कन्याउँछन आफैँ ।
यी आफूलाई महिला पुरुष दुवै भएको ठान्दछन्
र पनि वेवहारले साँच्चै नपुंसक जनाउँछन् आफैँ ।
पाप कौशीबाट कराउँछ भन्छन् जान्ने बुझ्नेहरू
अनि चिसो सिँढीमा सुहागरात मनाउँछन् आफैँ ।
०००
तनहुँ
Subscribe
Login
0 Comments
Oldest
