नेपाली हास्यव्यङ्ग्य अनलाइन पत्रिका

मरूभूमिनारायण :

हामी तमासा हेर्दैछौँ साढेहरू जुद्धैछन् यहाँ
सिङ भाको र ढिङ भाको दुबै उस्तै छन् यहाँ ।

यौटाले ताक्छ मुढो उफ्री अर्कोले ताक्छ घुँडो
कुस्ती कडा हुने भो सबैले यही बुद्वै छन् यहाँ ।

मस्तै खोले खाने झोलेहरू सगसगाइ रहेछन्
कठै ! स्याल मरिसक्यो र्‍याल पुज्दैछन् यहाँ ।

निर्दोषलाई दोषी बनाउन कालो सेतो बनाउन
घरघरमा पुगी साँढेहरू मान्छे थुत्दै छन् यहाँ ।

ढल्ने ढलिसक्यो मर्ने मरिसक्यो के छ र खै ?
बाँकी हाडको अवशेष पनि लुछ्‌दै छन् यहाँ ।

लुटे सके खोक्रो पारे केही राखेनन् यो देशमा
बाँकी जनताको लादीको रस चुस्दै छन् यहाँ ।

भइ मतियार बोकी हतियार देखाउने रमिता
सजिलै बन्न मियो बनेर सियो घुस्दै छन् यहाँ ।

०००
तनहूँ