नेपाली हास्यव्यङ्ग्य अनलाइन पत्रिका

मरुभूमि नारायण :

मेरो कालो अनुहार र भूत एकै देख्छु अचेल
नजिकका साथी र यमदूत एकै देख्छु अचेल ।

नखाओ भन्दा मान्दैनन् ती विद्वान साथीहरू
त्यो बिचरा र कुकुरको मूत एकै देख्छु अचेल ।

सेवाको नाउँमा भोको भुँडी नभर्ने को होला ?
अनि समाजसेवी र कपूत एकै देख्छु अचेल ।

साढे ब्याउँछ यो देशमा राँगो पनि ब्याउँछ रे
एक्कासि अचम्म र अदभूत एकै देख्छु अचेल ।

देशमा मान्छे शहीद भएर मरे मरेर शहीद भए
भर्ने र मार्ने कपूत र सपूत एकै देख्छु अचेल ।

सेतै भए पनि दही र दूधमा ठूलो भिन्नता हुन्छ
निष्कृय लालुपति र राजदूत एकै देख्छु अचेल ।

०००
तनहुँ, राजीगाउँ