मरुभूमि नारायणफरक किन ?
आखिर रङ्ग तिनको हरियो नै छ नि आकारमा विरुवाका पात फरक किन ?
मरूभूमि नारायण :
जलाशय एउटै हो मात फरक किन ?
घिचे पछि व्यवहार बात फरक किन ?
समयको चक्र कैले सिधा कैले वक्र
धर्ती आकाश उही रात फरक किन ?
कङ्कालको छाला उही गाला उही
अपराधी मान्छेको हात फरक किन ?
आउने जाने ठाउँ कसको फरक छ र
मान्छे पिच्छे गरिने घात फरक किन ?
त्यही मान्छेले चोखिने त्यसैले छोइने
खै मान्छे मान्छेको जात फरक किन ?
आखिर रङ्ग तिनको हरियो नै छ नि
आकारमा विरुवाका पात फरक किन ?
०००
तनहूँ
Subscribe
Login
0 Comments
Oldest
