नेपाली हास्यव्यङ्ग्य अनलाइन पत्रिका

युवराज भण्डारी :

निभेको दियोमा सल्किँदै पछुताइरहेछ
कोही छुटेको रेल सम्झिँदै पछुताइरहेछ ।

बिर्सेर वर्तमानलाई भुलेर धरातललाई
भत्किएको जगमा अडिँदै पछुताइरहेछ ।

आफ्नो आँखा खोल्नु त कता हो कता
उल्टो अरूलाई दोष दिदैँ पछुताइरहेछ ।

देख्दैन प्रकाश रोज्दैन शिखरको बाटो
निराशाको भासमा भासिँदै पछुताइरहेछ ।

विगत बितेर गएको वर्षौँ वर्ष बित्यो
सम्झनाहरूमा बहकिँदै पछुताइरहेछ ।

०००
तनहूँ, हाल क्यानडा
‘भावनाको तस्वीर’ (२०८०)