मरुभूमि नारायणकाे काे माेटाए ?
लुट्न पनि आन्द्राभुँडी बाँकी रहेन हेर्दाहेर्दै ती सुकेका अक्षेता मोटाए ।
मरुभूमि नारायण :
यो प्यारो गणतन्त्रमा नेता मोटाए
काला मोटाए अनि सेता मोटाए ।
चुस्न पाए खानीमै म नि मोटाउँथें
केले उता मोटाए कैले यता मोटाए ।
खान पनि अजिङ्गरले झै गरी खाए
कैले येता अनि कैले त्यता मोटाए ।
लुट्न पनि आन्द्राभुँडी बाँकी रहेन
हेर्दाहेर्दै ती सुकेका अक्षेता मोटाए ।
यति खाए भो मान्छेको कुरै नगरौं
तिनको जिउको समेत फेता मोटाए ।
नेता मोटाए अनि कार्यकता मोटाए
भ्रष्टहरू मोटाए श्याम श्वेता मोटाए ।
०००
रानीगाउँ, तनहुँ
Subscribe
Login
0 Comments
Oldest
