मरुभूमि नारायणगोरु ब्याउने कुरो छ
जनतालाई धोकै हो जोसुकै आऊन् सबैको भित्र भित्रै कमाउने कुरो छ ।
मरुभूमि नारायण :
आज शहरमा राजा ल्याउने कुरो छ
गाई सकिएर गोरु ब्याउने कुरो छ ।
पहिला तिनले मुखैले मुर्दावाद भने
ऐले फेरि जिन्दावाद आउने कुरो छ ।
सहर कब्जाको कुरो छ नै एकातिर
अर्कोतिर विपक्षी भगाउने कुरो छ ।
को भाग्छ को पछि लाग्छ थाहा छैन
सनकलाई साङ्लो लगाउने कुरो छ ।
यो देशमा देश लुट्ने लुटेरा थोरै भए
बरा तिनैलाई डाँडो कटाउने कुरो छ ।
अपराधी उम्किन्छ नै अपराध गरेर
घरैमा बस्नेलाई पो समाउने कुरो छ ।
चोरको ठूलो स्वर अवस्थ हुन्छ यहाँ
सरकार हतियारमा रमाउने कुरो छ ।
जनतालाई धोकै हो जोसुकै आऊन्
सबैको भित्र भित्रै कमाउने कुरो छ ।
०००
तनहुँ ।
Subscribe
Login
0 Comments
Oldest
