राजेन्द्र घायलगणतन्त्र हजुरको पेवा भो
थोरै कमाएर नहुने रे, धेरै कमाउने इच्छा बढ्दै गयो हजुर बाटोको ठेकेदार, गणतन्त्र ट्याक्टर र डोजर भो गणतन्त्र लडेर ल्याएका हौं, फुल्न र फल्न पाएन हजुर हावाहुरी हुनुभो, गणतन्त्र ढलेर सोत्तर भो ।
राजेन्द्र घायल :
हजुर गणतन्त्रको मालिक, गणतन्त्र हजुरको नोकर भो
हजुर तास खेल्ने जुवाडे, गणतन्त्र तासको जोकर भो
जति खाए नि नअघाउने,अचम्म भोक लाग्यो हजुरलाई
हजुर थारो भैंसी हुनुभो, गणतन्त्र कुँडो र चोकर भो
चपाइरहने बानी पर्यो, मुख खालि राख्नै नहुने भो रे
हजुर मसला चखुवा, गणतन्त्र काजु र अोखर भो
थोरै कमाएर नहुने रे, धेरै कमाउने इच्छा बढ्दै गयो
हजुर बाटोको ठेकेदार, गणतन्त्र ट्याक्टर र डोजर भो
गणतन्त्र लडेर ल्याएका हौं, फुल्न र फल्न पाएन
हजुर हावाहुरी हुनुभो, गणतन्त्र ढलेर सोत्तर भो ।
०००
चितवन
Subscribe
Login
0 Comments
Oldest
