नेपाली हास्यव्यङ्ग्य अनलाइन पत्रिका

बालकृष्ण खनाल :

केही सल्लाह दिउँ भने पनि सरकारलाई।
सजाय दिन्छ यो सरकार साहित्यकारलाई।।

मारौला ज्यान तिम्रो सत्ता डग्मगाउने खोजेमा।
मार्न सक्दैनौ कदापी महासय बिचारलाई।।

हतियार देखाई बिचारको नतर्साए हुन्छ ।
पराजित गर्दछ बिचारले हतियारलाई।।

अब आउने निर्वाचनमा हाम्रो मान्छे नभनेर।
राम्रालाई चुनेर हराउनुपर्छ गद्धारलाई।।

अहिले आएर तर्साउदैछ हरिणहरूको।
गल्ती गरियो जीवित राखेर यो हुँडारलाई।।

०००
टिकापुर, कैलाली