महेन्द्र उपाध्यायझुठो बोलिरहँदा पनि साँचो लागोस्
उस्ले रातो डायरीमा लेखेको साँचो हुन्छ यत्ति बुझ्दैनौ ? तिम्रो बुद्धिमा घाम चाँडो लागोस् ।
महेन्द्र उपाध्याय :
त्यो पनि त्यस्तै रैछ, यो पनि झुठो लागोस्
पुरानै दुनियाँ पनि नौलो नौलो लागोस् ।
आफै त त्यस्ता छौ, के दिन सक्लाउ ?
बस कहिलेकाहीँ मैले भनेको लागोस् ।
अब हिसाब बुझाएर मात्रै फर्किन्छु
मलाई पनि हिसाब बराबर भयो लागोस् ।
रुपैयाँले त जहर पनि पाइन्न अचेल
मलाई पनि ठुलै रिण उधारो लागोस् ।
गुलियोमा बिकिसके तिम्रा पनि कान
अब तिम्रो मनलाई पनि अप्ठ्यारो लागोस् ।
सायद अब म फर्किन्न पनि हुँला
मलाई फेरि फेरि पनि यस्तो लागोस् ।
उस्ले रातो डायरीमा लेखेको साँचो हुन्छ
यत्ति बुझ्दैनौ ? तिम्रो बुद्धिमा घाम चाँडो लागोस् ।
तिम्रो बोली पनि सरकारको झैं होस्
झुठो बोलिरहँदा पनि साँचो साँचो लागोस् ।
जस्लाई बचाउँछस् उहि मार्न खोज्छ
एम पि तेरो पछाडि किन ? कोही लागोस् ?
०००
लम्कीचुहा, कैलाली
Subscribe
Login
0 Comments
Oldest
