नेपाली हास्यव्यङ्ग्य अनलाइन पत्रिका

महेन्द्र उपाध्याय :

लैजाउ यो आधा, पाएर के हुन्छ ?
बुझौ म पनि पूरा, पाएर के हुन्छ ।

तिमीलाई कति कुरा थाहा छन है ?
छोडिदेउ, मैले थाहा, पाएर के हुन्छ ?

उसलाई तिमि सुन्दर देख्दैनौ हो ?
त्यस्ता पनि आखा पाएर के हुन्छ ?

तिम्रो चरीत्रनै झुठो हो, हैन र ?
मैले कसम, बाचा पाएर के हुन्छ ?

दिने भए यहीं देउ, तिमीले दिने माया
दायाँबायाँ यताउता पाएर के हुन्छ ?

मलाई घुमाउरो बाटो हिँड्ने मन छ
हजुरले बाटो सिधा पाएर के हुन्छ ??

दुनियाँ रोकिएला भन्नु केहि छैन ।
मैले मात्रै धोका पाएर के हुन्छ ?

०००
लम्कीचुहा, कैलाली