मरुभूमि नारायणके के चाहिन्छ ?
फाटेको मन पो सिइन्छ सियोले छाला सिउन पो सियो चाहिन्छ । साउनमा दुइटै आँखा फुटेपछि आँखामा चश्मा हरियो चाहिन्छ ।
मरुभूमि नारायण :
यो देशमा एउटा मियो चाहिन्छ
भाँचिने होइन बलियो चाहिन्छ ।
शिक्षाले ज्योति दिन्छ भने पनि
अध्यारो हटाउन दियो चाहिन्छ ।
एक हातले ताली कहाँ बज्छ र
नाम्लोलाइ पनि बरियो चाहिन्छ ।
कागले फल खाँदैमा बेर्ना उम्रन्न
विरुवा उम्रिन नि बियो चाहिन्छ ।
अरुले त्यति मन पराउँदैनन् बरु
बाहुनलाई बढी गुलियो चाहिन्छ ।
फाटेको मन पो सिइन्छ सियोले
छाला सिउन पो सियो चाहिन्छ ।
साउनमा दुइटै आँखा फुटेपछि
आँखामा चश्मा हरियो चाहिन्छ ।
०००
तनहुँ
Subscribe
Login
0 Comments
Oldest
