चिरञ्जीवी दाहालबाँच्न दिन्नन्
को हो आफ्नो को पराई, राम्रोसँग बुझ्नलाई सुनजस्तै कसी लगाइ, घोटीघोटी जाँच्न दिन्नन्
चिरञ्जीवी दाहाल :
ईश्वरले मर्न दिन्नन्, मान्छेहरू बाँच्न दिन्नन्
आँसु झर्दा रमाउने, थोरै हाँसो साँच्न दिन्नन्
सोझो बनौं हेप्छन् यहाँ, नाङ्गो पार्छन् बाङ्गो बने
रिस डाह गर्नेहरू, खुशी हुँदा नाच्न दिन्नन्
को हो आफ्नो को पराई, राम्रोसँग बुझ्नलाई
सुनजस्तै कसी लगाइ, घोटीघोटी जाँच्न दिन्नन्
लामो हात छोटो बुद्धि, गरौं भने आत्मा रुन्छ
सिधा बाटोबाट हिँडी, गरिबीलाई भाँच्न दिन्नन्
सिमानामा दिनदहाडै, लुटिदैछ आफ्नो भूमि
लुटेरालाई ठाउँको ठाउँ, समातेर ड्याच्न दिन्नन् ।
०००
चितवन
Subscribe
Login
0 Comments
Oldest
