ज्ञानुवाकर पौडेलभो पुग्यो नेताजी
जनताले चाहेको त गांस, वास र कपास न हो ! भो पुग्यो नेताजी बन्द तिम्रो त्यो बकवास गरौं ।
ज्ञानुवाकर पाैडेल :
किन कसैमाथी अब फेरि बिश्वास गरौं ?
किन चौपट हामी यो जिन्दगीको मीठास गरौं ?
किन बन्छन् बाधक कोही अरूको प्रगतिमा ?
कसको बदनियतलाई यहां स्याबाश गरौं ?
छाडौं चहार्न अबदेखि यी मठ-मन्दिरहरू समेत !
देवत्व हामी आफू स्वयम् भित्रै बरू तलाश गरौं !!
खोजेका हौ यदि तिम्ले आफ्नो छुट्टै चिनारी !
सृजनात्मक काम गतिलो कुनै खास गरौं !!
जनताले चाहेको त गांस, वास र कपास न हो !
भो पुग्यो नेताजी बन्द तिम्रो त्यो बकवास गरौं ।
०००
Subscribe
Login
0 Comments
Oldest
