होम सुवेदीफित्कौलीको गजल्यौली
विरुद्धमा केही पनि बोल्नु हुँदैन विराेधीलाई घट्टभित्र हाली पिनेछ ।। नयाँ नेतो आउला भन्ने आशा नगर पनातिको पालामा नि उही देखिनेछ ।।
हाेम सुवेदी :
बुढाे नेताे अझ पनि दूध दिनेछ
अझै ब्याउँछु भन्दै हाम्राे भोट लिनेछ ।।
नेपालमा कमाएकाे छैन सुरक्षा
भन्दै उस्ले समुद्रकाे टापु किनेछ ।।
हजुर्बाकाे पालाँ पनि उही नेतो थियो
पनातिले नेतो भन्ने बल्ल चिनेछ ।।
राणाकाल पञ्चकाल उही नेतो भो
पगरी नै अरू नेतोबाट छिनेछ ।।
विरुद्धमा केही पनि बोल्नु हुँदैन
विराेधीलाई घट्टभित्र हाली पिनेछ ।।
नयाँ नेतो आउला भन्ने आशा नगर
पनातिको पालामा नि उही देखिनेछ ।।
०००
भद्रपुर, झापा
Subscribe
Login
0 Comments
Oldest
