मरुभूमि नारायणभेडा र बाख्राको चहलपहल
सत्य कुरो नबुझी भेडाहरु पछि लाग्छन् सर्वत्र भेडा र बाख्राको चहलपहल छ । जसले पुज्छ पराइकै पाउ अनि पुच्छर यताउता दायावाँया उसैको हलचल छ ।
मरुभूमि नारायण :
देश बेच्ने र रोक्नेको एकातिर पसल छ
न नेता असल छन् न छिमेकी असल छ ।
बारुलो मर्दैन आवाज सिंहको भए पनि
सैतानी उक्साहटले देश उथलपुथल छ ।
सौताने बाहरुको बिगबिगी बढ्दै गयो
यसमा आफ्नै बाउको दृष्टि कमसल छ ।
सत्य कुरो नबुझी भेडाहरु पछि लाग्छन्
सर्वत्र भेडा र बाख्राको चहलपहल छ ।
जसले पुज्छ पराइकै पाउ अनि पुच्छर
यताउता दायावाँया उसैको हलचल छ ।
जति शंख फुके पनि कसैले केही गर्दैन
उफ्रिन्छ भ्यागुतो न व्यवहार अब्बल छ ।
जोगाऊ आमा देश भोलि रहन्छ रहन्न
जेहोस् ऐलेसम्म मेरो देश सकुशल छ ।
०००
तनहुँ
Subscribe
Login
0 Comments
Oldest
