ज्ञानुवाकर पौडेलकिन पर्दा खसाइहालेछ उसले
उज्यालो देख्न यो पुरै बस्ती घर आफ्नो त्यो बालेछ उसले बाँकीनै थियो हेर्नलाई अभिनय किन पर्दा खसाइहालेछ उसले ।
ज्ञानुवाकर पाैडेल :
अक्षरको माहुरी पालेछ उसले
विचारको खेती थालेछ उसले
किन्नलाई फेरि नयां किताब
पुरानो कोट टालेछ उसले
के ठानेर दिएको थियो इनाम
कुन्नि के सोचेर फालेछ उसले
राखेन कहिल्यै कुन पनि मोह
जिर्ण परम्परा ढालेछ उसले
उज्यालो देख्न यो पुरै बस्ती
घर आफ्नो त्यो बालेछ उसले
बाँकीनै थियो हेर्नलाई अभिनय
किन पर्दा खसाइहालेछ उसले ।
०००
Subscribe
Login
0 Comments
Oldest
