भक्ति घिमिरे ‘दुर्बोध’हाइकुको बथान
परिवर्तन
व्यस्तता हो वा स्वार्थ
पापी समय ।१।
मपाइँत्वको
चढ्दै भर्याङ सधैँ
पुग्छौ शिखर ।२।
बिर्सेर भुइँ
चढेर मात्र बुइँ
पुगिन्छ कहाँ ।३।
शून्य विवेक
प्रतिष्ठा त पाताल
समय साङ्लो ।४।
अर्पेको हो नि
मनको त्यो विस्कुन
छरेको किन ? ।५।
फक्रिउन् फूल
डुलुन् जून र तारा
शिरमा सधैँ ।६।
एउटा क्षण
पत्यार नलागेर
ध्यानमा मग्न ।७।
भुल्नाले हिजो
भोलि भेटिएला त
बैगुनी किन ।८।
भोजपुर, हाल काठमाडौं
