नेपाली हास्यव्यङ्ग्य अनलाइन पत्रिका

१.
सयौं युवाका सपनाहरू तुहिएको देख्दैन सरकार
र, कणर्ालीमा जडीबुटी कुहिएको देख्दैन सरकार
तर पनि देशलाई यस्तो उस्तो बनाउँछु भन्छ ऊ
कठै ! झुपडीको छानो चुहिएको देख्दैन सरकार ।

२.
नरपिचासको कुकृत्य पर्दाफास नगरेसम्म
तानाशाही प्रवृत्तिलाई सर्वनाश नगरेसम्म
यसै मेरो गन्तव्य यात्रा रोकिनेछ नसोच्नुस्
नेपालीले नेपालीपनको आभाष नगरेसम्म ।

३.
क्षमताअनुसारको काम लगाउनुस् अनि देश बन्छ
विदेशिने प्रथालाई बन्द गराउनुस् अनि देश बन्छ
सबैको आवाज यही हो, मनन गर्नुस् त एकचोटि
युवाका पसिना देशमै खन्याउनुस् अनि देश बन्छ ।

रामेछाप