नेपाली हास्यव्यङ्ग्य अनलाइन पत्रिका

चुनाव लागेको छ- १

दुराचारमा लाग्नेलाई पनि,
चुनाव लागेको छ ।
समातिँदा लाज नलाग्नेलाई,
पनि चुनाव लागेको छ ।
भागबंडाको राजनीतिमा,
यस्ताको कतै भाग नलागोस् ।
समाज डुबाउन लाग्नेलाई पनि,
चुनाव लागेको छ ।

भाग लागेको छ- २

यहाँ सबैको दिमाखमा,
काग लागेको छ ।
राम्रो गर्न खोज्नेलाई,
दाग लागेको छ ।
किन आशा गर्ने,
कसैको त्यागको यहाँ ?
जहाँ प्रत्येक विभागको,
पनि भाग लागेको छ ।

सोख लागेको छ- ३

यहाँ जनतालाई, रोग लागेको छ,
यहाँ जनतालाई, भोक लागेको छ,
कसरी समाधान खोज्लान् नेताले,
जब गाली नै सुन्ने सोख लागेको छ ।

विराटनगर