लक्ष्मण नेवटियाचुनावी दुई ठोकान
अन्तमा नतिजा शून्य घरको रह्यो न घाटको स्थिति भयो विकट अब यात्रु-बिना टिकट ।
१.पार्टी प्रवेश
अस्ति उहाँको भयो,
पहेंलो दलमा प्रवेश,
ससम्मान झट्पट् ।
हिजो हरियो दलमा,
बिहान रातो दलमा,
बेलुकी टल्किने दलमा,
प्रवेशको जब लाग्यो
उनलाई छट्पट्,
अन्तमा नतिजा शून्य
घरको रह्यो न घाटको
स्थिति भयो विकट
अब यात्रु-बिना टिकट ।
२.म मतपत्र एक फूल
चुनावी ऋतुमा
मात्र फुल्ने फक्रने
“म मतपत्र एक फूल”
सबैलाई मन पर्छु ।
तर मतपेटीमा
झरेपछि ओइलाउँछु ।
तैपनि खुसी हुन्छु
जनचाहनाको बास्ना छर्ने
अवसर त पाउँछु ।
विराटनगर
Subscribe
Login
0 Comments
Oldest
