नेपाली हास्यव्यङ्ग्य अनलाइन पत्रिका

एक
काशीवास बसियो दिल्ली पनि धाइयो
कैयौँलाई मारेपछि जेलनेल पनि पाइयो
आखिर राजनीति के ठुलो कुरा रहेछ र
घर वरिपरि फोहोरको डङ्गुर चाहियो ।

दुई
देश निकाला भएर काशी बस्ने यिनै हुन्
दिल्लीमा दाम चढाई मन्त्री बन्ने यिनै हुन्
नेता बन्न सबै पार्टीले मान्छे भकुरेकै थिए
आखिर फोहोरमा राजनीति गर्ने यिनै हुन् ।

तीन
निर्वासित भएर काशीतिर धाए
कैयौँलाई लतारेर रगत मासु खाए
इम्बोस्ड नम्बर र फोहोरको थुप्रो
बल्ल देखेर पो राजनीति चलाए ।

चार
विपक्षीले खुट्टा तान्छ छिमेकीले ठेल्छ
मौका पारी पार्टीकै अर्को गुटले पेल्छ
त्यति कुरा नबुझी राजनीतिमा आई
थाहा पाए राजनीति फोहोरैमा खेल्छ ।

कपन, काठमाडौं