नेपाली हास्यव्यङ्ग्य अनलाइन पत्रिका

१.
मन उद्रिरहेको छ सिउने कसरी हो
जिन्दगीको रसधार पिउने कसरी हो
न सोचे जस्तो हुन्छ न त भने जस्तो
महंगीले ढाड सेक्छ जिउने कसरी हो ।

२.
धैर्यता देखिँदैन कठै! साधना छैन उहाँमा
समावेशी खन्याउने सपना छैन उहाँमा
ओहदामा पुग्नु भएको त भोट किनेर हो
खासमा देश प्रतिको भावना छैन उहाँमा ।

३.
आदर्शका पर्चा पम्प्लेट टाँस्न मनपर्छ उहाँलाई
अर्काको रोदनमा पनि हाँस्न मनपर्छ उहाँलाई
भूत, वर्तमान र भविष्य कुनै केही जानेकै छैन
कठै ! गोमनसँग नाता गाँस्न मनपर्छ उहाँलाई ।

४.
कसैलाई सागर त कसैलाई कुवा हुन मनपर्छ
कसैलाई फाली र कसैलाई जुवा हुन मनपर्छ
यो रुचिको विषय हो, जसले जेसुकै भनेपनि
कसैलाई बादशाह, कसैलाई दुवा हुन मनपर्छ ।

काठमाडौं