नेपाली हास्यव्यङ्ग्य अनलाइन पत्रिका

१.
चुनावमा पहिले त मतदातालाई लुटेको नोट बोकाउनुपर्ला
अनि उनीहरूबाट ब्यालेट बक्समा प्रोक्सी भोट बोकाउनुपर्ला
बोसो यति बढेछ शरीरमा कि आफ्नै लुगा भारी भयो गाइच !
साथै हिँडेको छ नि एउटा तिघ्रे, त्यसैलाई कोट बोकाउनुपर्ला ।

२.
सक्छौ भने बगेको त्यो पानी रोकिदेऊ न
जुत्ता किन फुकाल्नु मलाई बरु बोकिदेऊ न
यस्ताले देशलाई गरिबीबाट पार लाउने रे
जसले भन्छ, को त्यो बोल्ने ? ड्याम्म ठोकिदेऊ न !

३.
यसपालि तीजमा मादलको ताल ठोकेर नाचिन्छ
अघिल्लो दिन दरमा मासुसँगै ह्विस्की धोकेर नाचिन्छ
श्रीमानले पचास डिग्रीको गर्मीमा पसिना बगाओस्
संस्कृति जोेगाउन छाडा गीत खोकेर नाचिन्छ ।

०००
बुटवल