सुलसुले‘मदन पुरस्कार’का लागि उत्कृष्ट छनोटमा आठ कृति
‘मदन पुरस्कार-२०७८’का लागि उत्कृष्ठ आठवटा पुस्तक छनोट गरिएको छ । मदन पुरस्कार गुठीले प्राप्त दुई सय ९९ पुस्तकबाट आठवटा उत्कृष्ट पुस्तकको सूची सार्वजनिक गरेको हो ।
काठमाडौं, २०७९ साउन २३ ‘मदन पुरस्कार-२०७८’का लागि उत्कृष्ठ आठवटा पुस्तक छनोट गरिएको छ । मदन पुरस्कार गुठीले प्राप्त दुई सय ९९ पुस्तकबाट आठवटा उत्कृष्ट पुस्तकको सूची सार्वजनिक गरेको हो ।
पुरस्कारका लागि डा. नवराज लम्सालको ‘अग्नि’, डा. दामोदर पुडासैनी ‘किशोर’को ‘ग्रीष्मको नीलो बतास’, बसन्त बस्नेतको ‘महाभारा’, दीपा मेवाहाङ राईको ‘यादको सन्दुक’, डा. नयनाथ पौडेलको ‘लिच्छवि लिपि’, प्रा.नीलमणि ढुंगानाको ‘संस्कृत-नेपाली शब्दकोष’, सुजित मैनालीको ‘सती’ र पद्यसुन्दर जोशीको ‘हिति प्रणाली’ उत्कृष्ट आठमा परेका छन् ।
बढीमा १० पुस्तकको श्रेष्ठ सूची तयार गर्न गठन भएको समितिले गुठीलाई आठ पुस्तकको नाम उपलब्ध गराएको हो । यीमध्ये एकले ‘मदन पुरस्कार-२०७८’ पाउनेछन् ।
२०७७ सालको मदन पुरस्कार ‘लिम्बुवानको ऐतिहासिक दस्ताबेज संग्रह’ पुस्तकबाट भगिराज इङ्नामले पाएका थिए ।
Subscribe
Login
0 Comments
Oldest
