रेहित सैजुचुनावका चार ठोक्तक
भूत, वर्तमान र भविष्य कुनै केही जानेकै छैन कठै ! गोमनसँग नाता गाँस्न मनपर्छ उहाँलाई ।
१.
भाइ वंश अनि कुल गोत्र फुट्नु के नौलो हो र
आमा विरुद्ध नै ललकारेर उठ्नु के नौलो हो र
हुन मिल्ने कुरा भन्दा नमिल्ने त बढी हुन्छ नि
राजनीतिमा कुकुर बिरालो जुट्नु के नौलो हो र !
२.
अनावश्यक विषयको मनन, चिन्तन गरिँदैन
बुझेर पनि बुझपचाउनेलाई निर्देशन गरिँदैन
अफवाह फैलाएर विश्वास दिन नखोज्नुस्
बोली, विचार तुहिएकोलाई समर्थन गरिँदैन ।
३.
धीरता देखिँदैन कठै ! साधना छैन उहाँमा
समावेशी खन्याउने सपना छैन उहाँमा
ओहदामा पुग्नु भएको त भोट किनेर हो
खासमा देश प्रतिको भावना छैन उहाँमा ।
४.
आदर्शका पर्चा पम्प्लेट टाँस्न मनपर्छ उहाँलाई
अर्काको रोदनमा पनि हाँस्न मनपर्छ उहाँलाई
भूत, वर्तमान र भविष्य कुनै केही जानेकै छैन
कठै ! गोमनसँग नाता गाँस्न मनपर्छ उहाँलाई ।
०००
काठमाडौं
Subscribe
Login
0 Comments
Oldest
