नेपाली हास्यव्यङ्ग्य अनलाइन पत्रिका

१.
चुनावपछि हाम्रो नेपाल स्वीजरल्याण्ड बन्छ अरे
चन्द्रमामा बस्ती बसाल्न स्काई बाटो खन्छ अरे ।
सावधान मुटु- रोगीहरू, कान थुनेर बस्नुहोला
गर्भमा भाको बच्चालाई नि वृद्धभत्ता दिन्छु भन्छ अरे ।।

२.
खबरदार स्यालहरू बस्तीतिर छिरेका छन्
भोटको लागि आधुनिक हतियार भिरेका छन् ।
पाँच वर्ष गायब हुन्छन्, बस्तीबाट फर्केपछि
जादु देखाई भाषणमा लाज नमानी गिरेका छन् ।।

३.
पैसा ठूलो मानेपछि जसरी पनि कमाउनु साथी
दुई नम्बरी काम गरी त्यसैमा रमाउनु साथी ।
असल जेलमा अनि खराबलाई दरबार छ यहाँ
बेला यही हो, आफ्नालाई पुग्ने गरी जमाउनु साथी ।।

०००
स्याङ्जा