नेपाली हास्यव्यङ्ग्य अनलाइन पत्रिका

१.
विज्ञहरू छिद्र भ्वाङ छेकिदिनुहुन्छ, वाह भन्नुहुन्छ
अति उदारभावले आँत सेकिदिनुहुन्छ,वाह भन्नुहुन्छ
फोस्रो मान सान राखिदिन अनेकौं कष्ट उठाउँदै कसै
धर्मराएका खुट्टा आफैँ टेकिदिनुहुन्छ, वाह भन्नुहुन्छ ।

२.
मै हुँ भनाउनका लागि सबैका शरण पर्नुहुन्छ बरा
हो नभएपछि गुदी बेलूनमा झैं पानी भर्नुहुन्छ बरा
सतही दृष्टिले कन्याउने कुरा सतहमै उतारिदिन्छ कि ?
र त उहाँ चिलाउने काउसाको बोट पर्नुहुन्छ बरा !!

३.
साँच्चिकै खाट्टी बस्तुको विज्ञापन गर्नै पर्दैन
अनेकौं तरहले त्यसका गुणमा रङ्ग भर्नै पर्दैन
टिकाइरहन्छ आफूलाई गुणस्तरीय भएर नै
र त सस्तो बन्दै कसैका शरणमा पर्नै पर्दैन ॥

४.
बिर्सिन्छ आफैँलाई अनि अर्कोलाई औँलो ठाडो गर्छ ऊ
अहङ्कारले चुलिन्छ र कागले झैँ आफ्नै बखान छर्छ ऊ
दोस्रोको जरो खनेर चोर सावित गर्न लागिरहन्छ सधैंभरि
गिरेको छ आफैँ भित्रभित्रै र पनि खै किन मख्ख पर्छ ऊ ?

०००
कास्की, पोखरा
हाल, काठमाडौ