नेपाली हास्यव्यङ्ग्य अनलाइन पत्रिका

१.
चुनावमा नेताको बोली सुन्दा बोकूँबोकूँ जस्तो लाग्छ
जितेपछि कुर्सी तानेको देख्दा ठोकूँठोकूँ जस्तो लाग्छ
वर्षौसम्म अनुहार त के छायाँ पनि देख्न पाइन्न
कहिले काहीँ टीभीमा देख्दा खोकूँ कि थुकूँ जस्तो लाग्छ ।

२.
धोतीको जुम्रा सिधै टुप्पीमा सरेपछि
कपालमा आफ्नै जातका लिखा पारेपछि
मत्ताहात्ती गाउँ पसेको भन्दा कम भएन
अरु जातका जुम्राहरू पछार्दै मारेपछि ।

३.
घर-घरमा “धेरै बिराली, मुसै नमारी”
चाल्छन् चुलो-चम्को, मावली-ससुराली
मुसाले जुँगा काटेर गुड लाउँदा पनि
मस्तिमा घुर्छन्, अर्काको धुरीमा सधैभरि ।

०००
इलाम न.पा.-९, साँखेजुङ