नेपाली हास्यव्यङ्ग्य अनलाइन पत्रिका

नन्दकुमार सुब्बा :

१.
पक्डदा सुन थियो, भोलि पल्ट पित्तल भयो
सुनको मालिकहरूको मन अति शीत्तल भयो
जादूमय छन् नेपालीका तिलस्मी हातहरू
छुनासाथ सुन र पित्तल तलवित्तल भयो ।

२.
राज्य दोहन गर्न मैले पनि पाउनु पर्छ
त्यसका लागि कहाँ–कहाँसम्म धाउनु पर्छ
आफै निल्न पाइन्न नि जननायकहरू हो ?
नून जस्तै चोरीको सुन भाग लाउनुपर्छ ।

३.
गरीव देशका धनी राजाू यही देशमा थिए
यसो भन्ने विरोधीलाई कति–कति फाँसी दिए
त्यस्ता राजा, त्यस्ता काजी यही देशमा अझै र’छन्
कसो होला सत्ताबाट तिनलाई हटाई दिए ?

०००
इलाम