तीन ठोकान
देशलाई शरणार्थीको घर बनाउने जनता बेचेर कालो धन कमाउने यस्ता बिख्यात, कुख्यातहरूलाई यो भूमि नबनोस्, तिनले रम्ने रमाउने ।
१
“अगुल्ठोले हानेको कुकुर, विजुली चम्कदा तर्सियो”
महाजाल देखेपछि ठूलो माछो परबाटै तर्कियो
कानूनलाई “माछोमाछो भ्यागुतो” बनाउन नसक्दा
जाली जलहारी मुठ्ठीमा सातो लिएर घर फर्कियो ।
२.
माटो छाडेन, बेच्नेले बाटो छाडेन
पानी छाडेन, बेच्नेले खानी छाडेन
बजारीहरूको हुलमा किन्ने र बेच्नेले
धनका लागि देश र जनता छाडेन ।
३.
देशलाई शरणार्थीको घर बनाउने
जनता बेचेर कालो धन कमाउने
यस्ता बिख्यात, कुख्यातहरूलाई
यो भूमि नबनोस्, तिनले रम्ने रमाउने ।
०००
इलाम