नेपाली हास्यव्यङ्ग्य अनलाइन पत्रिका

नन्दकुमार शुब्बा  :

(१)
रुकुमलाई स्वर्ग बनाउँछु भन्नेहरूले रुकुम बिर्सिए
रोल्पालाई राजधानी बनाउँछु भन्नेहरूले रोल्पा बिर्सिए
हिजो बडो क्रान्तिकारी हूँ भन्नेहरूले शहर पसेपछि
‘सेल्टर’ भन्दै लुक्दै बस्ने गाउँका खोल्मा र खोल्सा बिर्सिए ।

(२)
भोकमा अमृत भन्दै खाएको ढिँडो-आँटो बिर्सिए
तिमीलाई सुन्दर बनाउँछु भन्दै समाएको माटो बिर्सिए
आफू ठाउँ र ठहरमा पुगेपछि अरूको के मतलव ?
मै लाऊँ, मै खाऊँ, अरु जे हुन् भन्दै हिँड्ने बाटो बिर्सिए ।

(३)
पानीजहाज आउँदै छ रे, नाउ कैले बन्छ हजूर ?
स्मार्टसिटी बन्दै छ रे, गाउँ कहिले बन्छ हजूर ?
झोलुङ्गे पुल बन्दै गर्दा, तुइनहरू हटे अरे !
सपनाको सुन्दर स्वर्ग ठाउँ कहिले बन्छ हजूर ?

०००
साँखेजुङ, इलाम