नेपाली हास्यव्यङ्ग्य अनलाइन पत्रिका

रुद्र ज्ञवाली :

१.
खोरै खोर छन् जताततै कुन खोरलाई राम्रो भन्नू र खै
सडाएकै छ गन्हाएकै छ कुन कोरलाई राम्रो भन्नू र खै
उल्टी आउँछ सुन्दा पनि राजनीतिका कुरा गर्दै नगर्नुस्
चोरै चोरका सरदारहरूमा कुन चोरलाई राम्रो भन्नू र खै ?

२.
खानै जन्मेको खन्चुवाले के के खाएर आउने हो
पुतलीलाई घुमाई फिराई कुमालकोटी बनाउने हो
जति गए दर्शन भेटमा नजराना ठुलै चढाएर आए
नवदासले प्रभुका पाउमा लगेर के के चढाउने हो ।

३.
सिद्धान्त सकियो निष्ठा, नैतिकता र नीति सकियो
पहिचान सकियो संस्कार सँस्कृति र रीति सकियो
कुखुरा मार्नेलाई हतकडी मान्छे मार्नेको कैद माफी
यस्तै नै हो भने गणतन्त्र यसको पनि मिति सकियो ।

४.
मनपरी निणर्य गर्न बहुमतको औजार छँदैछ
प्रभुहरूको शिक्षादीक्षा अशीर्वाद अपार छँदैछ
आएर थोकमा मान्छे मार्नुस कत्ति फरक पर्दैन
अपराधी चोख्याउन पारङ्गत यो सरकार छँदैछ ।

०००